Ташқи меҳнат миграцияси агентлигининг Корея республикасидаги ваколатхонаси Корея Республикасида Е-9 визаси билан вақтинчалик меҳнат фаолиятини олиб бораётган Ўзбекистон Республикаси фуқароларига эълон орқали қуйидагича мурожаат қилди:
Корея Республикаси Бандлик ва меҳнат вазирлигининг 2020 йил 13 апрелдаги эълонига кўра, Кореяда истиқомат қилаётган чет эллик ишчиларнинг меҳнат фаолияти муддатини 50 кунга чўзиш бўйича чора-тадбирлар ишлаб чиқилди.
Мазкур чора-тадбирларни ишлаб чиқишдан асосий мақсад чет эллик ишчиларнинг Кореяга кириб келиши қийинлашгани муносабати билан ишчи кучи етишмовчилигини бартараф этиш ҳамда Кореядан чиқиб кетишда муаммоларга дуч келаётган чет эллик ишчиларнинг ҳаёт кечириши билан боғлиқ муаммоларни ҳал этишда ёрдам бериш.
Корея Бандлик ва меҳнат вазирлиги «Соvid-19» сабабли чет эллик ишчиларнинг Кореяга кириб келиши кечикаётганлиги сабабли, иш жойлардаги ишчи кучига бўлган талабни қондириш учун чет эллик ишчиларнинг меҳнат фаолияти муддатини 50 кунга чўзиш ҳақида эълон қилди.
Шу кунларда, коронавируснинг тез суръатларда кенг тарқалиб бораётганлиги, чет элдан кириб келувчи ишчи кучининг кечикаётганлиги, авиарейсларнинг камайганлиги ёки бутунлай тўхтатилганлиги янги ишчи кучининг кириб келиши қийинлашишига ҳамда ишчи кучига талабнинг ортиши вазиятнинг янада оғирлашишига сабаб бўлмоқда.
16 та Осиё давлатларидан 9 тасида янги ишчиларнинг кириб келишидаги муаммолардан яна бири шуки, авиарейсларнинг камайганлиги ёки умуман тўхтатилганлиги.
Бандлик ва меҳнат вазирлиги айни пайтда Корея ҳудудида ишлаб турган ишчиларнинг Кореядан чиқиб кетиши жуда қийинлашганлигини ҳисобга олиб, виза муддати 3 ой ичида тугаётган (тугаётган виза муддати фақат 14 апрель - 30 июнь оралиғидагиларга тегишли) ишчиларнинг виза муддатини 14 апрелдан бошлаб 50 кунга чўзишни режалаштирмоқда.
Вазир Леэ Че Гап, «Соvid-19» глобал миқёсда тарқалаётган бир пайтда ва Кореяга кириб-чиқиш оғир бир вазиятда, меҳнат фаолияти муддатини чўзиб бериш чора-тадбирлари чет эллик ишчилар ва иш берувчи ташкилотлар учун жуда муҳим ва керакли ечим бўлади, деб таъкидлаб ўтди.
Сиз, визангиз тугаш муддатини http://www.hikorea.go.kr сайти орқали текшириб кўришингиз мумкин. Текшириш тартиби қуйидаги ҳаволада босқичма-босқич кўрсатиб ўтилган: https://www.facebook.com/watch/?v=511256186244002
