Карантин сабабли паспорт, яшаш гувоҳномасини ололмай, алмаштиролмай қолганлар қоидани бузган ҳисобланмайди

Карантин сабабли 23 март санасидан паспорт, яшаш гувоҳномаси олиш, алмаштириш, пропискани расмийлаштириш, виза ва яшаш гувоҳномаси муддатини узайтириш бўйича Миграция ва фуқароликни расмийлаштириш хизматларига мурожаат қила олмаган шахслар паспорт тизими ва бўлиш қоидасини бузган деб ҳисобланмайди.

Бу ҳақда Ички ишлар вазирлиги миграция ва фуқароликни расмийлаштириш бош бошқармаси бўлим бошлиғи Акбархон Юнусхўжаев АОКА штабида ўтказилган брифингда маълум қилди.