Сурхондарёда ҳам 23 киши коронавирус билан касалланди

Хабарга кўра, уларнинг 20 нафари жорий йилнинг 28 март куни Москва шаҳридан чартер рейс билан Термиз халқаро аэропортига келиб, Ангор туманида карантин муддатини ўтаётган юртдошимиздан, уч нафари четдан вилоят ҳудудига келган узоққа қатнайдиган юк машиналари ҳайдовчиларидан аниқланган. Улар Термиз шаҳридаги юқумли касалликлар шифохонасига ётқизилган. Бу ҳақда УзА хабар бермоқда.
Вилоят соғлиқни сақлаш бошқармасидан маълум қилишларича, айни пайтда беморларнинг аҳволи яхши бўлиб, даволаш ишлари белгиланган стандартлар ва видеоконсулимлар асосида малакали шифокорлар томонидан олиб борилмоқда.