Коронавирус пандемияси авжига чиққан бир пайтда, ушбу инфекцияга қарши курашишга ўзининг самарали хизматини қўшаётган соҳа вакиллари орасида санъат аҳли ҳам бор.
Шифокорлар беморларни дарддан тузатаётган бўлсалар, ички ишлар, ҳуқуқни ҳимоя қилиш ходимлари, ҳарбийлар вируснинг занжирини узиш учун фуқароларни тартибга чақирмоқда, актёрлар эса одамларни ўз хонадонларидаги теле экранлар қаршисида михлаш учун барча маҳоратларини намойиш этишмоқда.
Актриса Феруза Собитова мухлисларини вирусдан ҳимоя қилиш учун видео орқали мурожаат йўллади. Уларга қўлларини ҳар ярим соатда антисептик воситалар билан тозалаб туришни тавсия қилди. Антисептик воситасини топишга ёки сотиб олишга имкон бўлмаганда уни ароқ ва гилецириндан қўлбола усулда тайёрлашни ҳам ўргатди.
Актёр Умид Шодмонов эса одамларни уйдан чиқмасликка чорловчи иш жойидан тайёрланган видео мурожаатини ижтимоий тармоққа жойлади.
