Ўзбекистонда коронавирус инфекциясини аниқлаш бўйича кунига ўртача ҳисобда 10 мингга яқин тест текширувлари ўтказилмоқда.
Бу ҳақда бугун АОКА ҳузуридаги штабда бўлиб ўтган брифингда Санитария-эпидемиологик осойишталик агентлиги директори Баҳром Алматов маълум қилди.
Тестлар натижасида қайд қилинган беморларнинг ижтимоий келиб чиқиши, касби, ёши, ҳаёт тарзи, улар билан мулоқотда бўлганларнинг фаолияти ҳам чуқур ўрганиб таҳлил қилиб бориляпти. Касалликнинг қай даражада юқиши, қайси мойил контенгентлар мавжудлиги ўрганилиб, касаллик хавфига дучор бўлган шахслар рўйхати тузилмоқда. Беморларнинг умумий ҳолатини ўрганиш бўйича тиббий назорат олиб борилмоқда.
Баҳром Алматовнинг таъкидлашича ҳозиргача жами 136 мингта тест ишлари бажарилган. Видео:
