Бугун АОКА ҳузуридаги штабда Давлат Бош санитария врачи Баҳром Алматов иштирокида ўтказилган брифингда Тошкент шаҳрида 1 ёшга тўлмаган 7 нафар гўдакда коронавирус аниқлангани айтилди.
Шунингдек, беморларнинг 3 нафари 1 ёшдан 2 ёшгача бўлган болалардир.
Аввалроқ, Тошкентда 20 нафар мактаб ўқувчиси коронавирусни юқтиргани маълум қилинганди.
Беморларнинг 52 нафари уй бекаси, 20 нафари мактаб ўқувчиси, 12 нафари уюшмаган ёшлар вакили, 20 нафари ишсиз.
Беморлар орасида 60 ёшдан катта ёшдагилар 32 нафарни, 50 ёшдан 60 ёшгача бўлганлар 28 нафарни, 30-39 ёшдагилар 82 нафарни, 20–29 ёшдагилар 88 нафарни ташкил қилади.
