Венгрия Ўзбекистондан 500 минг дона тиббий ниқоб олди. Бу ҳақда Фармацевтика тармоғини ривожлантириш агентлиги маълум қилмоқда.
Ниқоблар Боку шаҳрига етказилган бўлиб уларни олиб келиш учун Будапештдан Бокуга самолёт учиб келган.
Венгрия ташқи иқтисодий алоқалар ва ташқи ишлар вазири Петер Сийярто инвестициялар ва ташқи савдо вазири Сардор Умурзаков билан видеоконференцияда Венгрия ҳукумати номидан коронавирус пандемияси тарқалишининг олдини олишда кўрсатилган гуманитар ёрдам учун Ўзбекистонга алоҳида миннатдорчилик билдирди.
Шунингдек, хабарда Венгрия ўзбекистонлик талабалар учун мамлакат олийгоҳларидаги стипендия ўринларини 30 тадан 100 тага оширганини қайт этилган.
