Адлия вазирлигининг хабар беришича, Республика махсус комиссияси томонидан мактабларда ўқув йили онлайн тарзда якунланиши ҳақида қарор қабул қилган.
Қарорга кўра,
- халқ таълими тизимидаги ташкилот ва муассасаларида 2019/2020 ўқув йили “online-maktab” лойиҳаси доирасида ташкил этилган масофавий телевизион видеодарслар орқали якунланади. Яъни сентябрь ойигача ўқувчилар мактабларга бошқа боришмайди;
- ўқитувчилар ва масофавий таълим жараёнини ташкил этиш учун зарур бўлган халқ таълими тизимидаги (таълим муассасалари, ташкилотлари, ҳудудий бўлинмалар) ходимлар ўз иш фаолиятларини масофавий тарзда (иш ҳақи тўланган ҳолда) давом эттирадилар.
