Бу ҳақда “France-Presse” агентлигининг маълум қилинишича, Франция пойтахтини оқава суви билан таъминлаш ташкилотининг махсус “Eau de Paris” лабораторияси мавжуд 27 та техник сув оқадиган қувурлар тизимининг тўрттасида коронавирус билан боғлиқ аломатларни топган. Бу ҳақда ЎзА ёзди.
Одатда бундай сувдан кўчаларни тозалашда ва бошқа муниципал эҳтиёжларни қондиришда фойдаланилади.
Шундан кейин бутун тармоқ фаолияти тўхтатилган. Лекин оқава сувдан ичимлик суви тизимига ўтишининг ҳеч қандай эҳтимоли йўқлиги билдирилган. Демак, шаҳарда ичимлик сувидан бемалол, қўрқмасдан фойдаланиш мумкин.
“Арзимас бўлса-да, барибир коронавирус аломати чиқди, шу боис эҳтиёткорлик йўлини тутиб, Соғлиқни сақлаш агентлигига мурожаат қилдик. Энди тегишли мутахассислар хавф-хатар мавжудми ёки йўқлигини таҳлил қилишади“, — дейди шаҳар мэрининг экология сиёсати бўйича ўринбосари Селиа Блоэль.
