Times Higher Education рейтинг агентлиги томонидан 2020 йил 22 апрель куни дунё университетлари рейтинги –“University Impact Ranking-2020” натижалари эълон қилингани ҳақида хабар берилган эди.
Мазкур рейтингда Тошкент ирригация ва қишлоқ хўжалигини механизациялаш муҳандислари институти “clean water and sanitation”, “life on land” йўналишлари бўйича дунё университетларининг умумий рейтингида 201+ ўринни қайд этди.
Институт ҳозирда Ўзбекистон тарихида иккита йирик Times Higher Education ва QS рейтинг агентликлари томонидан тан олинган ягона олий таълим муассасаси ҳисобланмоқда.
Маълумот учун, 2019 йилнинг 14-15 октябрь кунлари Литванинг Каунас шаҳрида QS рейтинг агентлиги томонидан “Ривожланаётган Европа ва Марказий Осиё” (Emerging Europe and Central Asia –EECA) рейтинги эълон қилинган эди.
Унда мамлакатимизда биринчи бўлиб Тошкент ирригация ва қишлоқ хўжалигини механизациялаш муҳандислари институти 301+ ўринда қайд этилди.
