Олий Мажлис Қонунчилик палатаси депутати Акмал Бурханов ўзининг телеграм канали орқали бугун парламент депутатлари томонидан Ўзбекистон Республикаси Жиноят-ижроия кодексига муҳим ўзгаришлар киритилгани ҳақида хабар бермоқда. Эслатиб ўтамиз айни пайтда А.Бурханов "Юксалиш" Умуммиллий ҳаракатининг раиси ҳамдир.
Киритилган ўзгаришлар кўра,
● Жазони ижро этиш муассасасаларида маҳкум шахсий хавфсизлигини таъминлаш тўғрисида ариза ёки хабар берса, у дарҳол хавфсиз жойга вақтинчалик жойлаштирилиши шартлиги белгиланди;
● Маҳкумни ёки у жойлашган камерани тинтув қилиш фақатгина тайёрланаётган ёки содир этилаётган жиноятлар, тақиқланган нарсалар ва буюмлар сақланаётганлиги ҳақида ахборот келиб тушган ҳоллардагина йўл қўйилади;
● Тинтув ўтказиш чоғида маҳкумларга нисбатан жисмоний куч ва махсус воситалар қўлланилиши тақиқланади;
● Эндиликда маҳкумнинг яқинлари билан учрашуви видео-учрашув тарзида ҳам ўтказилиши мумкин;
● Вояга етмаган маҳкумларга ота-онаси ва уларнинг ўрнини босувчи шахслар билан учрашувлар чекланмаган миқдорда берилади.
Эслатиб ўтамиз, мазкур Қонун Сенат томонидан маъқулланиб, Президент томонидан имзоланганидан кейин кучга киради.
