Сочи шаҳар кенгаши депутати Константин Гергишан коронавирусдан вафот этди. Бу ҳақда шаҳар Мери Алексей Копайгородский ўзининг инстаграм саҳифасида маълум қилди, деб ёзмоқда INTERFAX.RU .
Сочи шаҳар Мерининг таъкидлашича, 63 яшар депутат апрель ойининг бошларида шифохонага юрак етишмовчилиги ташхиси билан ётқизилган.
"Интерфакс" манбаси эса Гергишаннинг 11 апрелда "коронавирус" ташхиси билан юқумли касалликлар шифохонасига ўтказилганини тасдиқлади. Ушбу манбада айтилишича депутатнинг рафиқаси – бошланғич синфлар ўқитувчиси бўлган Елена Гергишан ҳозирда Сочидаги инфекцион касалликлар шифохонасида даволанмоқда.
Маълумот учун: сочи шаҳар Мерининг инстаграм саҳифасидаги изоҳларга қараганда коронавирусдан вафот этган депутат бир неча йил ҳарбий соҳада фаолият олиб борган, захирадаги полковник бўлган. Шу кунгача пенсияда бўлиш билан бирга Мудофаа вазирлигининг туризм марказини бошқарган.
Манзура Бекжонова тайёрлади.
