Коронавирус илк марта Хитойнинг Уҳан шаҳрида пайдо бўлган эди. Соғлиқни сақлаш бўйича расмийларнинг хабар беришича, бугунги кунга келиб Ухан шифохоналарида коронавирусга чалинган барча беморлар тузалди, дея ёзди Таржумон.
«Уҳандаги ва мамлакатнинг турли жойларидан келган тиббиёт ходимларининг биргаликдаги саъй-ҳаракатлари туфайли бу шаҳарда 26 апрелга қадар коронавирус билан касалланганларнинг ҳаммаси шифо топди», деди Миллий соғлиқни сақлаш комиссияси вакили Ми Фенг брифингда.
Уҳанда коронавирус билан касалланганларнинг умумий сони 46452 та бўлиб, бу Хитойдаги беморларнинг 56 фоизини ташкил қилади. Бу шаҳарда шу пайтгача 3869 киши қурбон бўлган.
