Куни кеча Тошкент шаҳридаги хонадонларнинг биридан илон чиқди. ФВВ ходимларининг кўмаги билан бу илон ушланиб, хонадон вакилларининг хотиржамлиги таъминланди. Бу ҳақда Тошкент шаҳар ФВВ бошқармаси расмий сайти маълум қилди.
Хабарда айтилишича 2020 йил 27 апрель куни соат 20-01 да Мирзо Улуғбек тумани ТТЗ 1-пиллачи кўчасида жойлашган хонадонларнинг бирида илон борлиги бўйича Тошкент шаҳар Фавқулодда вазиятлар бошқармасининг тезкор бўлимига қўнғироқ келиб тушган.
Зудлик билан бошқарманинг махсус қутқарув отряди хонадонга бориб ўрганилганда хақиқатдан ҳам уйнинг ичида тахминан ярим метрдан каттароқ узунликдаги илон борлиги аниқланган.
Кўрилган тезкор чоралар натижасида 10 дақиқа ичида илон ушланган ва хонадон вакилларининг хавсизлиги таъминланган. Видео:
