Бош давлат санитария инспектори Нурмат Отабеков билан брифинг бўлиб ўтди. Унда карантин тартибини бузган фуқаролар юзасидан маълумот берилди.
Н. Отабеков таъкидлашича, Ўзбекистонда карантин тартиби эълон қилинганидан буён 27 апрель куни ҳолатига, ниқоб тақмаган ва карантин тартибини бузган, санитария ва гигиена қоидаларига риоя қилмаган 71 028 шахс аниқланган. Уларга нисбатан Давлат инспекцияси, ИИВ, Миллий гвардия ходимлари томонидан баённома тузилган ва 45,8 миллиард сўм жаримага тортилган.
Шундан 14,0 миллиард сўм ундирилган. Келиб тушган маблағнинг 50% давлат бюджетига йўналтирилди, қолган 50% ИИВ бюджетига тушган.
