2020 йил 2 май соат 23:00 ҳолатига кўра, Ўзбекистонда коронавирус инфекцияси қайд этилганлар сони 2118 нафарни ташкил қилмоқда, дея хабар беради ССВ матбуот хизмати.
Бугун соат 19:00 да беморлар 2113 нафар эди, яқин соатларда уларнинг сони 5 нафарга кўпайди.
Эслатиб ўтамиз, айни пайтгача мамлакатимиз бўйлаб коронавирус инфекциясидан 1271 нафар бемор бутунлай соғайди.
9 киши вафот этди.
Ҳозирги пайтда Жиззах ва Қашқадарё вилоятидан ташқари барча ҳудудлардаги юқумли касалликлар шифохоналари ва мослаштирилган шифохоналарда 873 бемор даволаш муолажаларини оляпти. Улардан 11 нафарининг аҳволи оғир, 2 нафарининг аҳволи ўта оғир, деб баҳоланяпти.
