Россияда тўрт кундан буён рекорд даражадаги коронавирус билан касалланган янги беморлар аниқланмоқда

Россияда кетма-кет тўрт кундан буён рекорд даражадаги коронавирус билан касалланган янги беморлар аниқланмоқда. Сўнгги 24 соат ичида 10 633 киши касалланган. Улардан 6000 га яқини Москвадан эканлиги айтилмоқда. Бу ҳақда forbes.ru интернет нашри хабар бермоқда.

Россияда коронавирус билан оғриган беморларнинг кунлик ўсиши бўйича рекорд янгиланди. 3 май куни эрталаб мамлакатда 10 633 та янги инфекция ҳолатлари аниқланди. 

Кун давомида 58 та янги ўлим қайд этилди. Россияда авж олганидан бери жами 1280 киши вафот этган. Эпидемиянинг бошлангандан бери эса вирус билан 134 687 нафар одам хасталанган.