2 май куни соат 19.00 дан 19.40 гача бўлган вақт оралиғида Мирзо-Улуғбек туманида номаълум шахс 63 ёшли Александр Р.га тегишли “Мерседес-124” русумли автомобилни олиб қочиб кетган.
Тошкент шаҳар ИИББ нинг хабар беришича, машина эгаси автомобилни уйи яқинига қўйиб, калитини ўт олдиргичга тиқилган ҳолатда қолдириб кетган.
Тошкент шаҳар ИИББ жиноят қидирув ходимлари томонидан кўрилган чоралар натижасида, Мирзо-Улуғбек тумани Олтинтепа ва Никитина кўчалари кесишмасида гумонланувчи 45 ёшли Игорь П. қўлга олинди. У
нга нисбатан Ўзбекистон Республикаси Жиноят кодексининг 267 моддаси (“Транспорт воситасини олиб қочиш”) бўйича жиноий иш қўзғатилди. Ҳозирда олиб борилаётган тергов ишлари давомида Игорь П.нинг бошқа шунга ўхшаш жиноятларга алоқадорлиги аниқланади.
3 май куни соат 09.50 да Юнусобод тумани яшовчи 41 ёшли Дилшод Р. ҳам “Матиз” автомобилини калитини ўзида қолдиргани сабаб олиб қочилган.
Кўрилган чоралар натижасида шу куннинг ўзида тахминан соат 10.20 да Мирзо-Улуғбек тумани Оққўрғон кўчасида автомобиль топилган.
Машина ичида 33 ёшли Егор Ф. ва муқаддам судланган 32 ёшли Владимир Г.лар бор эдилар. Тергов давомиди аниқланишича, Егор Ф. машина ёнидан ўтиб кетаётиб, унинг ичида калити борлигини кўрган.
Автомобиль эшиги очиқлигини кўриб, машинага миниб уни олиб қочиб кетган. Кейинчалик у таниши Владимир Г. билан Оққўрғон кўчасида кўришганида уларни қўлга олишган. Тергов ишлари давом этмоқда.
