Россияда ўзини изоляция қилиш тартиби июнгача узайтирилиши мумкин. Агар мамлакат аҳлиси май ойида чекловларга амал қилмаса, карантин ёзнинг илк ойида ҳам давом этади.
Президент Владимр Путин чекловлар қачон олиб ташланиши эпидемиолагик вазиятга боғлиқ эканини таъкидлаган. “Одамлар чекловлар тезроқ олиб ташланишини истасалар, карантин қоидаларини бузмасликлари керк”, дейди давлат раҳбари.
Россияда бир сутка ичида 10 мингдан ортиқ янги ҳолат аниқланган. Умумий ҳисобда эса касалланганлар сони 145 268 нафарга етган. Россия айни вақтда инфекция кенг тарқалиши бўйича Туркияни ортда қолдириб, дунёда еттинчи ўринда турибди.
