Тожикистон Президенти соғлиқни сақлаш вазирини лавозимидан озод қилди

Тожикистон давлат раҳбари Эмомали Раҳмон Соғлиқни сақлаш ва аҳолини ижтимоий ҳимоялаш вазири Насим Олимзодани лавозимидан озод этиш тўғрисида қарорга 5 май куни имзо чекди. Бу ҳақда мамлакат Соғлиқни сақлаш вазирлиги хабарига таяниб, "Спутник Тожикистон" ёзади.

Вазирнинг лавозимидан бўшатилиши "бошқа ишга ўтганлиги муносабати билан" дея изоҳланади.

Эндиликда собиқ вазир Олимзоданинг ўрнини "Истиқлол" соғломлаштириш мажмуаси директори, тиббиёт фанлари доктори Жамолиддин Абдуллаев эгаллайди.