Бэнкси тахаллуси билан ижод қилувчи машҳур британиялик кўча рассоми "Game Changer" (кескин ўзгариш палласи) номли янги суратни яратди.
Ушбу сурат коронавирусга қарши курашаётган тиббиёт ходимларига бағишланган ва Саутгемптондаги (Ҳэмпшир графлиги) касалхона йўлагида намойиш этилган.
Рассом супер қаҳрамон — ҳамшира-қўғирчоқни ўйнаб турган болакай, шунингдек, қоғоз чиқиндилар учун мўлжалланган саватчага ташланган Бэтмен ва Ўргимчак-одамни тасвирлаган.
Асар Буюк Британия соғлиқни сақлаш тизимининг хайрия ташкилотларига маблағ йиғиш мақсадида аукционга қўйилади.
