Қозоғистон соғлиқни сақлаш вазири Елжан Биртанов ўзининг Facebook саҳифасида нуфузли илмий нашрларга таяниб, коронавирусли пневмония электрон сигарет чекувчиларда оғир кечиши ҳақида маълум қилди.
Эслатиб ўтамиз, SARS-CoV-2 вирусидан келиб чиқадиган COVID-19 коронавирус инфекциясининг дунё миқёсида тарқалиши туфайли унга чекишнинг зарарли томонлари ёки ҳатто исботланмаган “фойдаси” ҳақида жиддий мунозаралар давом этмоқда.
Британия Тиббий Журнали (BMJ) мутахассислари COVID-19 инфекциясининг сурункали чекувчилар ва электрон сигарета чекувчилар учун қандай хавф туғдириши мумкинлиги тўғрисидаги ўз фикрларини билдиришди.
COVID-19 бу асосан беморнинг нафас олиш аъзоларига таъсир қиладиган касаллик. Кўплаб илмий далиллар шуни кўрсатадики, вируснинг ҳужайраларга кириб бориши ва унинг бўлиниши айнан нафас олиш тизимида содир бўлади. Чекишнинг COVID-19 инфекциясини юқтириш ва ўлим кўрсатгичини тасдиқловчи кенг қамровли клиник тадқиқотлар ҳанузгача кам.
Аммо 2009 йилда шунга ўхшаш респиратор-синцитиал вирусни ўрганиш шуни кўрсатдики, ютилган тамаки тутуни нафас олиш йўлларида вирусли инфекцияларининг тарқалишини оширади.
