12 апрель куни тахминан соат 12:20 да 40 ёшли А.Н. спиртли ичимлик истеъмол қилиб маст ҳолда Ангрен шаҳри, "Бўстон" МФЙда жойлашган спиртли ичимликлар дўконининг ичида бўла туриб, жамиятда юриш-туриш коидаларини касддан менсимаган. Сўнг 44 ёшли Ш.М. билан ўзаро жанжаллашиб, оёқлари билан бир неча маротаба тепиб тан жароҳати етказган. Натижада, Ш.М. олган тан жароҳатлари билан Ангрен шаҳар Марказий шифохонасига ётқизилган. Бу ҳақда ИИВ ҳузуридаги Тергов департаменти Ахборот хизмати хабар бермоқда.
Суд-тиббий экспериза хулосасига кўра, Ш.М.га «ўртача оғирлик»даги тан жароҳати етказилганлиги аниқланган.
Мазкур ҳолат юзасидан Ангрен шаҳар ИИБ ҳузуридаги Тергов бўлими томонидан А.Н.га нисбатан Жиноят кодексининг 277-моддаси 3-қисми “г” банди (безорилик) билан жииноят иши қўзғатилган. А.Н. гумон қилинувчи тариқасида ишда иштирок этишга жалб қилиниб, процессуал тартибда ушланган.
