Американинг Теннеси штатидаги Мэривилл шаҳридан 5 мингдан ортиқ киши эвакуация қилинди. Бунга заҳарли моддалар ортилган поезд рельсдан чиқиб ёниб кетгани сабаб бўлди.
РИА Новостининг хабар беришича, эвакуация радиуси 3 километрни ташкил қилади.
Воқеа жойидан 7 нафар полициячи заҳарли моддалардан заҳарланиш оқибатида касалхонага тушган.
Поезд Огайо штатидан Жоржия штатига йўл олган. Маълумотларга кўра, поезд акрилонитрил ёнувчи модасини олиб ўтаётган бўлган. Ушбу модда шиллиқ қавватни яллиғлаб, бош оғриғига сабаб бўлади, буйракка зарар етказиб, ўлимга олиб келиш мумкин.
