Аввал хабар берганимиздек, бугун Ўзбекистон Республикаси Олий Мажлиси Сенатининг тўртинчи ялпи мажлиси видеоконфиренцалоқа шаклида ўтказилмоқда.
Кун тартибидаги навбатдаги масала – Ўзбекистон Республикаси Олий Мажлиси Инсон ҳуқуқлари бўйича вакилининг (омбудсманнинг) 2019 йилдаги фаолияти тўғрисида Омбудсман Улуғбек Муҳаммадиев ҳисобот берди.
Сенат раиси Омбудсманнинг фаолиятига қуйидагича муносабат билдирди:
“ОАВда Омбудсман роли мутлақо сезилмайди. 2019 йилда ОАВда атиги 74 та чиқиш қилинган, холос. Халқ сизларни билмайди, танимайди.
ОАВ ва ижтимоий тармоқларда кўплаб муаммолар муҳокама қилинмоқда. Лекин Омбудсман бирорта ҳам масалага муносабат билдирмайди. Шу боис, ОАВ билан ҳамкорликни тубдан ўзгартириш керак.
Бизнинг қўмиталар, сенаторлар ҳам четда кузатувчи бўлиб турмасдан, Омбудсман фаолиятини кучайтиришга кўмаклашиши зарур.
Зеро, Омбудсман Парламентнинг инсон ҳуқуқлари бўйича Вакили ҳисобланади”.
