Аввал хабар қилинганидек, Президентнинг "2020–2025 йилларга мўлжалланган Ўзбекистон Республикасининг банк тизимини ислоҳ қилиш стратегияси тўғрисида"ги Фармони имзоланди.
Ҳужжатга асосан, халқаро молия институтлари кўмагида «Ипотека-банк», «Ўзсаноатқурилишбанк», «Асака», «Алоқабанк», «Қишлоқ қурилиш банк» ва «Туронбанк»даги давлат улушлари босқичма-босқич хусусийлаштирилиши маълум қилинди.
Куни кеча қабул қилинган Фармоннинг 2-иловаси, Ўзбекистон Республикаси банк тизимини ислоҳ қилиш бўйича “Йўл харитаси”га асосан "Туронбанк" ва "Қишлоқ қурилиш банк" қўшиб юборилиши мумкин экан. Бу ҳақда Банк соҳасига оид янгиликлар, меъёрий ҳужжатлар, статистика ва бошқа маълумотларни тақдим этиб борувчи Банк ва мижоз телеграм канали маълум қилди.
Эслатиб ўтамиз, айни вақтда Қишлоқ қурилиш банк тасарруфида 42 та филиал, Туронбанк тасарруфида эса 20 та филиал мавжуд.
