Словения ҳукумати мамлакат ҳудудида коронавирус эпидемиясининг тугаганини расман эълон қилди.
“Reutеrs”га таяниб ЎзАнинг хабар қилишича, сўнгги икки ҳафта давомида мамлакатда кунлик коронавирус юқтиришнинг 7 тадан кам ҳолати аниқланган.
Италия, Австрия, Венгрия ва Хорватия билан чегарадош, 2 миллион аҳолиси бўлган мамлакатда пандемия даврида 1464 киши коронавирус юқтирган ва 103 киши вафот этган.
“Словения сўнгги икки ой ичида эпидемияни камайтиришга муваффақ бўлди... Бугун, Словенияда Европада энг яхши эпидемиологик вазият шаклланди“, деди мамлакат бош вазири Янез Янша.
