Хоразм вилоятига 15-25 м/с. тезлик билан тахминан соат 17:00ларда кучли шамол оқими кириб келди. Бу ҳақда ФВВ Матбуот хизмати хабар қилди.
Бунинг натижасида айрим корхона, ташкилот ва кўп қаватли турар жойларнинг том қисмларини учириб, пастга қулаш ҳолатлари юз берди. Ушбу нохуш ҳодисалар оқибатларини бартараф этиш мақсадида Хоразм вилояти Фавқулодда вазиятлар бошқармасидан 3 та махсус техника ва 20 нафар шахсий таркиб жалб этилиб, зарурий чора-тадбирлар амалга оширилмоқда, дейилади қисқа ахборотда.
