Украина президенти Владимир Зеленский яқин кунларда Рамазон ва Қурбон ҳайитларини давлат диний байрамлари мақомини олиш тўғрисидаги фармонни имзолашни режалаштирмоқда
Украина президенти матбуот хизматига кўра, бундай баёнот билан у Қрим татарлари вакиллари билан учрашувда маълум қилган. Президент Қрим татар халқининг вакилларига мурожаат қилиб “Биз ҳар бир киши ўзини Украина фуқароси, деб ҳис қиладиган давлат қурмоқчимиз. Мен ҳар бир киши ўз халқининг тарихи ва урф-одатларини унутмасдан, ўзини тўла ҳуқуқли фуқаро сифатида ҳис этишини истардим. Биз сизни нафақат сўз билан, балки амалда ҳам, қонунчилик даражасида ҳам қўллаб-қувватламоқчимиз”, дея таъкидлади.
