“Унгут” МФЙнинг Янгилик кўчасида яшовчи мингга яқин аҳолини шу вақтга қадар бир муаммо қийнаб келар эди. У ҳам бўлса Шовазсой орқали мазкур ҳудудга автотранспорт воситаларининг ўтиши учун қулай кўприкнинг йўқлиги эди, дейди Оҳангарон тумани ФВБ бошлиғининг ўринбосари Зоир ХУРРАМОВ.
Бу ҳолат мазкур кўчада яшовчиларга тез тиббий ёрдам кўрсатиш ва турли фавқулодда вазиятларда махсус техникаларнинг ҳаракатланишига тўсқинлик қилган.
Мазкур масала тегишли мутасаддилар билан ўрганилиб, туман ҳокимлиги, ФВБ ҳамда туман Кенгаши депутати О.Абдурафиқов ташаббуси билан аҳоли орзиқиб кутган кўприк барпо этилди.
Бу удуддан оқиб ўтувчи Шовазсой устига қурилган ушбу кўприк 16 м3 сув ўтишга мўлжалланган бўлиб, автомобиль ва аҳоли қатновига мўлжалланган.
Шунингдек, олис тоғли ҳудудда жойлашган “Четсув” МФЙдаги иккита кўприк кучли сел оқими оқизиб кетиши оқибатида, маҳаллий аҳолининг қатнови тўхтатилган эди. Туман ФВБ ходимлари томонидан 1 та экскаватор, 1 та автокран ва 1 та сомасвал махсус техниклари ёрдамида мазкур кўприклар ва йўллар таъмирланиб, маҳалий аҳолининг қатнови йўлга қўйилди.
