Паркент туманида коронавирус пандемиясига қарши профилактика тадбирлари, зарарсизлантириш ишлари узлуксиз олиб борилмоқда, дея хабар берди Тошкент вилояти ҳокимлиги Матбуот хизмати.
Аҳоли саломатлиги, карантиндан беталофат ўтиш, пандемиянинг салбий оқибатларига йўл қўймаслик мақсадида дезинфекция тадбирлари мунтазам амалга ошириляпти.
Шу кунга қадар Паркент тумани санитария эпидемиология-осойишталик маркази томонидан йўловчи ташувчи 455 та автобус, 29611 та енгил ва юк транспорти, 288 та ташкилот, 746 та хонадон, 43 та подъезд, 224 та кўча, 10 та МФЙ, 4 та даволаш профилактика муассасаси, 2 та карантин ҳудудлари, 34 та касаллик гумон қилинган хонадонлар ва Паркент деҳқон бозори жорий йилнинг 20 майидан бугунги кунгача 2 марта зарарсизлантирилди.
Шунингдек, касаллик қайд этилган хонадон ва ташкилотларда эпидемиологик суриштирув ишлари олиб борилди.
