Меҳнат таътилидан сўнг ишхона раҳбарияти ходимдан коронавирус билан касалланмаганлик ҳақидаги маълумотномани сўрашга ҳақлими?

Меҳнат таътили тугагандан кейин коронавирус билан касалланмаганим ҳақида  ишхонам маълумотнома сўраяпти. Уни қаердан олса бўлади. Ишхонам бундай маълумотномани сўрашга ҳақлими?

АОКА штабига келиб тушган ушбу саволга  Бандлик ва меҳнат муносабатлари вазирининг матбуот котиби Шаҳноза Равшанова қуйидагича жавоб берди:

Йўқ, мумкин эмас. Бирор-бир норматив ҳужжатда ишга қабул қилишда коронавирус инфекцияси бўйича касалликка чалинмаганлиги тўғрисидаги ҳужжат талаб қилиш кўрсатилмаган.