Жорий йилнинг 27 май куни тахминан тонги соат 04:10 да Қорақалпоғистон Республикаси Ақманғит блок постида хизмат вазифасини ўтаётган Миллий гвардия харбий хизматчилари А.Рауажов ва Ф.Халбаев мақсадсиз юрган аёлни тўхтатишади.
Ходимлар бундай вақтда нима сабабдан юрганлиги сўралганда, аёлнинг ўзини тутишидан руҳан носоғломлигига шубҳа қилинади. Зудлик билан профилактика инспектори чақирилиб, вазиятга ойдинлик киритилади.
Аёл 1982 йилда туғилган У. А. эканлиги ва кўп йиллардан бери даволаниб келаётган Қорақалпоғистон Республикаси Руҳий касалликлар шифохонасидан қочганлиги аниқланди. Аёл касалхонага олиб бориб жойлаштирилди.
