Жорий йилнинг 25 май куни соат тахминан 20:00 ларда Пастдарғом тумани Боғишамол МФЙнинг кириш жойида ўрнатилган 5-тўсиқ постида профилактика инспектори катта сержант А.Нуриддитнов томонидан, Иштихон тумани Минглар МФЙда яшовчи 1961 йилда туғилган У.Х.нинг бошқарувидаги Спарк русумли автомашина тўхтатилиб текширилганда, ушбу автотранспорт воситасининг орқа ўриндиғдан жами оғирлиги 81 кг пилла хом ашёси борлиги аниқланиб тегишли тартибда ҳужжатлаштирилган.
Шунингдек, шу куни соат тахминан 20:30 ларда Иштихон тумани Ғ.Ғулом МФЙда яшовчи 1978 йилда туғилган Д.Ю. бошқарувидаги Эпика русумли автомашина шубҳали кўринганлиги сабабли, профилактика инспектори сафдор У.Мухаммадиев томонидан текширилганда, ушбу автотранспорт воситасининг орқа ўриндиғидан жами оғирлиги 67 кг пилла хом ашёси борлиги аниқланиб тегишли тартибда ҳужжатлаштирилган.
Пилла хом ашёсини талон-тарож қилинишига қарши курашиш борасида ўзининг муносиб ҳиссасини қўшган профилактика инспекторлари катта сержант А.Нуриддитнов ва сафдор У.Мухаммадиевлар туман ҳокимлиги томонидан пул ва қиммат баҳо совға билан тақдирландилар.
