Интернет ва ижтимоий тармоқларда тарқалган Нарпай тумани ҳокими ўқитувчиларни ҳожатхона тозалашга жалб қилгани тўғрисидаги хабарлар тарқалган эди.
Ушбу маълумотлар юзасидан Самарқанд вилояти халқ таълими бошқармаси расмий муносабат билан чиқиш қилди. Самарқанд вилояти ҳокимлиги, вилоят халқ таълими бошқармаси, бандликка кўмаклашиш маркази ходимлари ҳамда ҳуқуқ-тартибот органлари томонидан ўрганиш ишлари олиб борилмоқда.
"Ушбу ҳолат юзасидан холис ўрганиш ишлари ва унинг натижаси ҳақида батафсил муносабат билдирилишини маълум қиламиз" дейди Самарқанд вилояти халқ таълими бошқармаси ахборот хизмати.
