Беҳруз Ҳамзаев Инновацион ривожланиш вазирлигига жавоб қайтарди

ЖАМИЯТ 29.05.2020, 11:19
Беҳруз Ҳамзаев Инновацион ривожланиш вазирлигига жавоб қайтарди

Беҳруз Ҳамзаев Инновацион ривожланиш вазирлигининг "Вазирлик ташкил этилиши менинг ғоям" дегани ҳақида аввал хабар берган эдик. Шунингдек унга вазирликнинг муносабати ҳам эълон қилинган эди. Facebook’даги саҳифаси орқали жавоб қайтарди, деб ёзмоқда дарё.

«Alter Ego» дастурига берган интервьюимда мен мазкур вазирликнинг тузилиши ташаббускори бўлганим ҳақида гапирмаганлигимни яна бир марта эслатиб ўтмоқчиман. Гапирган гапларимдан қуйидаги иқтибосни келтиришим мумкин: «Мен сенга амалга ошган ғоям ҳақида гапиришим мумкин, бироқ у менинг иштирокимсиз содир бўлган. Бу ҳақда илк бор оммага маълум қиляпман. 2017 йил 27 ноябрда Ўзбекистон Республикаси Инновацион ривожланиш вазирлиги очилган. Инновацион ривожланиш вазирлиги — ҳатто номи ҳам хато. Ушбу вазирликни тузиш ғоясини илгари сурган ва унинг концепцияси муаллифи менман». Кўриб турганингиздек, видеога изоҳ беришда Кирилл томонидан бир оз ноаниқлик кузатилган. Ҳозир ушбу хато тўғирлаб қўйилган.

Оддий фуқаро ҳар қандай вазирлик очишга қодир эмаслигини ҳамма жуда яхши тушунса керак. Бундай иш фақат Президент ёки парламент томонидан амалга оширилиши мумкин.

Шунингдек, баёнотда менинг вазирликни ташкил қилиш бўйича қарор лойиҳасини ишлаб чиқишда иштирок этганим ҳақида расмий маълумотлар йўқлиги билдирилган, мен шунчаки у ерда бошқарма бошлиғи сифатида ишлаган акамнинг ёнига бориб турганим қайд этилган" деб ёзади Беҳруз Ҳамзаев.

Ҳамзаев Инновацион ривожланиш вазирлигининг баёнотидаги ўзининг у ердаги жараёнларда фаол иштирок этганлигини исботловчи вазир И. Абдураҳмонов томонидан имзоланган тавсиянома-хат нусхасини постига илова қилган.

 

"Ушбу англашилмовчиликдан кейин кўплаб инсонлардан ижтимоий тармоқлар орқали мени қўллаб-қувватловчи илиқ сўзлар етиб келди ва уларнинг ҳаммаларига миннатдорлик билдираман. Бу мен учун жуда муҳим.

Барчадан интервьюни яхшилаб кўриш ва ушбу вазиятга ўз шахсий нуқтаи назаридан баҳо беришни сўраб қоламан. Мен тақдим этган концепция вазирлик фаолиятига асос бўлганидан ва ушбу ташкилотнинг очилганидан жуда хурсандман. Бунинг учун узоқни кўра билувчи, жасоратли қарорлар қабул қилувчи Президент Шавкат Мирзиёевга ташаккуримни изҳор қиламан.

Инновацион ривожланиш вазирлигига эса мамлакатимизни ИННОВАЦИОН ривожлантириш учун барча куч ва ресурсларни сафарбар этишни тилайман" дея фикр билдирган Беҳруз Ҳамзаев.

Эслатиб ўтамиз, 26 май куни блогер Кирилл Алтманнинг Беҳруз Ҳамзаевдан олган интервьюси Youtube ижтимоий тармоғига «Вазирликни очиш — осон, Ўзбекистонни инновацион мамлакат қилиш — қийин» сарлавҳаси билан жойлаштирилганди.

Шарҳлар

Об-ҳаво: Тошкент
Валюта курси
1