Аввалроқ, 23 майдан бошлаб Пайариқ туман марказига ҳам кириш-чиқиш вақтинча чеклангани хабар қилинган эди.
Пайариқ тумани ҳокимлиги ахборот хизматининг маълум қилишича, туманда 28 нафар фуқарода вирус аниқланган.
Беморларнинг 11 нафари (10 нафари вилоят, 1 нафари туман) тиббиёт ходими, 1 нафари туман газ идораси ходими, 1 нафари ИИБ ходими, 3 нафари мавсумий ишчи, 1 нафари ҳайдовчи, 1 нафари тадбиркор, 4 нафари уй бекаси, 2 нафари мактаб ўқувчиси, 4 нафари пенсиядаги инсонлардир.
"Юқоридаги ҳолатдан келиб чиқиб барча фуқороларимиздан, манашундай вазиятда қонунларга итоаткорликни ошириб, бир ёқадан бош чиқариб, бирлашиб бу балони оқибатини ривожланган давлатлардаги бўлаётган ҳолатлардан англаб, хулоса қилиб курашишга чақирамиз", дея огоҳлантирмоқда расмийлар.
СЭО маркази Ахборот хизматининг маълум қилишича, бугун, 30 май куни туман санитария-эпидемология осойишталик маркази ходимлари томонидан 186 та аҳоли хонодоларида эпидемологик суриштурув ишлари олиб борилди. 736 нафар фуқоронинг тана ҳарорати ўлчаниб, шундан 5 нафарида тана ҳарорати кўтарилгани аниқланди. 162 нафар фуқородан коронатест олинди ва 186 та хонодонда дезинфекция ишлари олиб борилди. 17 та хонадон 14 кунлик карантинга олинди.
Туманда 51 та маъмурий бино, 52 та савдо дўкони,16 та гўшт дўкони, 34 та дорихона, 6 та етказиб бериш фаолияти билан шуғулланувчи ошхоналар, 4 та кўп қавватли уйларнинг кириш йўлаклари ва болалар ўйин майдончаларида дезинфекция тадбирлари ўтказилди. Марказда 234 та енгил автомобилларда зарарсизлантириш ишлари бажарилди.
Туманда ташкил этилган Лаззат, Ал-Бухорий, Янгиҳаёт, Қучуқ ва Пайариқ шаҳрига кириш ҳамда чиқиш постларида навбатчилик ташкил этилган бўлиб дезинфекция тадбирлари тўлиқ амалга оширилмоқда.
