АОКА штабида Бош давлат санитария инспектори Нурмат Отабеков иштирокида брифинг ўтказилди. Унда муҳим савол ва мурожаатлар юзасидан жавоб қайтарилди:
Савол: "Ўрикзор" бозори ёпилганидан сўнг бир неча кун ўтиб санитария қоидаларига амал қилган ҳолда қайта фаолият кўрсатаётгани ҳақида хабар тарқалди. Буюм бозорлари фаолиятини ҳам санитария қоидаларига риоя қилган ҳолда тикласа бўладими?
Жавоб:
️"Ўрикзор" озиқ-овқат ва буюм бозорлари ҳали қайта очилмади.
Махсус комиссиянинг қарорига биноан барча ҳудудларда уларнинг тоифасидан қатъи назар буюм бозорлари фаолиятига рухсат берилмайди.
