"Самарқанд вилоятида юқори малакали кадрлар тайёрлаш тизимини кенгайтириш ва янада такомиллаштириш чора-тадбирлари тўғрисида"ги Ўзбекистон Республикаси Вазирлар Маҳкамасининг қарори лойиҳасида Самарқанд вилояти Каттақўрғон шаҳрида Самарқанд давлат университетининг Каттақўрғон филиали ҳамда Тошкент давлат транспорт университетининг Каттақўрғон филиалини ташкил этиш кўзда тутилган, дейилади ДТМнинг телеграмдаги расмий каналида.
СамДУнинг Каттақўрғон филиали ва Транспорт университетининг Каттақўрғон филиали таълим фаолияти 2020/2021 ўқув йилидан бошланади. Сўнгги йилларда Ўзбекистонда ОТМ сони кескин ошмоқда.
