Аввал хабар берганимиздек, Республика махсус комиссиясининг қарорига мувофиқ 8 июнь кунидан бошлаб “сариқ” ва “яшил” тоифасига кирувчи ҳудудларда автобус йўналишлари фаолияти қайта тикланди.
Шунга кўра, кеча, 8 июнь куни эрта тонгдан “Тошшаҳартрансхизмат” АЖ таркибига кирувчи автокорхоналар томонидан 131 та йўналишларга 1067 та автобуслар ишга чиқарилди.
Тошкент вилоятининг “қизил” тоифадаги Қибрай, Тошкент, Зангиота туманлари ҳудудидан ўтувчи 21 та йўналишда автобуслар вақтинчалик фаолият юритмаяпти.
Жорий йилнинг 20 июнь кунидан июль ойи учун ойлик йўл чипталарининг сотуви бошланади. Бу ҳақда Транспорт вазирлиги Ахборот хизмати маълум қилди.
Автобуслар йўналишга чиқишидан аввал ҳамда ҳар бир рейсдан сўнг Тошкент шаҳридаги мавжуд 32 та автошоҳбекатларда тўлиқ дезинфекция қилинмоқда.
