05 июнь куни соат 19-30 ларда Шофиркон тумани Дўрмен МФЙда яшовчи, 1989 йилда туғилган фуқаро Б.Ф. ўзига тегишли ГАЗ-53” русумли, 80 P 610 KA давлат рақамли автомашинасида туманнинг Шибирғон МФЙ Шибирғон қишлоғидан ўтувчи маҳаллий йўлдан ҳаракатланиб бораётган вақтида, йўлнинг четида ўтирган ва кейинчалик йўлни кесиб ўтмоқчи бўлиб ҳаракатланган, 2014 йилда туғилган М.Ш.ни автомашинаси билан уриб юборган. Кўрсатилган муолажаларга қарамасдан М.Ш. касалхонада вафот этган. Бу ҳақда Бухоро ИИБ хабар бермоқда.
Мазкур йўл транспорт ҳодисасининг келиб чиқиш сабаблари, унга имкон берган шарт-шароитлар маҳаллий аҳоли ўртасида муҳокама қилиниб, ота-оналарга вояга етмаган ёш фарзандларини қаровсиз ва назоратсиз қолдирмаслик тўғрисида тушунтирилди ва ушбу ҳудудда йўл ҳаракати қоидаларига риоя этилишини таъминлаш борасидаги ишларни кучайтириш белгилаб олинди.
