"Uzcard" карталаридан AҚШ долларида нақд пул маблағларини ечиш ҳамда карталарни чет эл нақд пул валютаси билан тўлдириш имконини берадиган янги хизмат жорий этилди.
Бу ҳақда Ягона умумреспублика процессинг марказининг ахборот хизмати маълум қилди.
Чет эл валютасини сотиш ва сотиб олиш курси банклар томонидан онлайн тарзда белгиланади. Ушбу хизматга биринчи бўлиб валюта-алмашиш банкоматлари муваффақиятли синовдан ўтказилган AТБ "Қишлоқ қурилиш банк" қўшилди.
Лойиҳа мижозларни банк кассаларида навбатда туришдан халос қилиб, одамлар билан алоқада бўлишни чеклайди, бу эса пандемия даврида жуда муҳимдир.
