Қозоғистон ва Қирғизистоннинг карантин сабаб ёпилган чегаралари очиладиган бўлди

Қозоғистон Республикаси Бош вазири Асқар Мамин Қирғизистон Республикаси Бош вазири Муҳаммедкали Абилгазиэв билан телефон орқали суҳбатлашди.

Суҳбат давомида Қозоғистон-Қирғизистон давлат чегарасидаги барча ўтказиш пунктларини очиш ва икки мамлакат ўртасида тўсиқсиз юк ташишни таъминлаш бўйича келишувга эришишган.

Шунингдек, томонлар коронавирус инфекциясининг тарқалишига қарши курашиш ва аҳолини COVID-19 дан ҳимоя қилиш масалаларини муҳокама қилишган.