Кеча, 12 июнь куни соат 11:44 ларда Қорақалпоғистон Республикаси, Қонликўл туманида “Damas” русумли транспорт воситаси ёниб кетган. Бу ҳақда ИИВ ЙҲХББ Ахборот хизмати хабар қилди.
Ҳодиса туман ҳудудидан ўтувчи «Ғузор-Бухоро-Нукус-Бейнеу» А-380 автомобиль йўлининг 847-км.да ююз берган. Ёнғинга автомобилнинг двигатель қисмидаги симларнинг қисқа туташуви сабаб бўлган. “Damas”ни 1991 йилда туғилган А.Е. бошқарган, у билан яна 2 нафар йўловчи ҳам бўлган.
Ёнғин ўт ўчирувчилар томонидан бартараф этилган.
Ёнғин натижасида тан жароҳати олганлар йўқ. Аммо суратлардан кўриш мумкинкии, автомобиль бутунлай ёниб кетган.
Мазкур ҳодиса юзасидан Қонликўл тумани ФВБ томонидан суриштирув ишлари олиб борилмоқда.
