АОКА ҳузуридаги штабда Транспорт вазирлиги ахборот хизмати раҳбари Наврўз Ашурматов иштирокидаги брифингда халқаро авиақатновлар тикланиши юзасидан муҳим маълумолар тақдим этилди. Унда бир қатор муҳим саволларга жавоблар берилди.
Хусусан, нега "Ўзбекистон ҳаво йўллари" Москвадан Ўзбекистонга қайтиш авиачиптасини 750$га кўтарворди? Бошқа компаниялар нархини ўзгартирмаганку, деган саволга аниқлик киритилди.
— Хориждан ўзбекистонлик фуқароларни олиб келиш учун ташкиллаштирилаётган чартер рейслар учун аввалида авиачипталар нархи минимал тарифдан ошмаслиги белгиланган эди. Бироқ минимал тариф бўйича белгиланган нархлар чартер рейсларнинг хориж давлати ва яна Ўзбекистонга қайтиш харажатларига салбий молиявий таъсир кўрсатди. Нархлар шундан келиб чиққан ҳолда белгиланган, -дея изоҳлади масъул.
