Давлат хизматлари агентлиги ахборот хизмати маълум қилишича, ҳозирги вақтда тадбиркорлик субъектларини рўйхатга олиш учун махсус автоматлаштирилган электрон платформа ишга туширилган.
Тадбиркорлик субъектини рўйхатдан ўтказиш жараёни тахминан 30 дақиқада ҳал бўлади. Шунингдек, рўйхатга олиш жараёни билан бир вақтнинг ўзида банк ҳисоб рақамини очиш имконияти яратилган.
Ҳозирда тижорат банкларининг 861 филиаллари Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимига уланган. Тадбиркорлар ушбу банклар ичида исталганида онлайн тарзда ҳисоб рақам очиш имкониятига эга.
Жорий йилнинг 16 мартидан 23 июнига қадар карантин пайтида 26 мингдан ортиқ юридик шахслар рўйхатдан ўтказилди. Уларнинг 4300 таси Интернет орқали қайд этилди.
