Ўзбекистонда коронавирусга чалинганлар сони 10 минг нафардан ошди. Сўнгги кун статистикаси

ЖАМИЯТ 06.07.2020, 05:19
Ўзбекистонда коронавирусга чалинганлар сони 10 минг нафардан ошди. Сўнгги кун статистикаси

2020 йил 5 июль соат 23:30 ҳолатига кўра, Ўзбекистонда коронавирус инфекцияси қайд этилганлар сони 10020 (+84) нафарни ташкил этмоқда, дейилади ССВ хабарида. 

 Янги касалланиш ҳолатларининг 16 нафари Карантин марказидаги фуқаролар (барчаси хориждан келган) орасида, 27 нафари Тошкент шаҳрида (шундан 5 нафари коронавирусга чалинганлар билан мулоқотда бўлиб, карантинга олинган фуқаролар орасида, 22 нафари аҳоли орасида), 22 нафари Тошкент вилоятида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 16 нафари аҳоли орасида) 19 нафари Самарқанд вилоятида (шундан 3 нафари коронавирусга чалинганлар билан мулоқотда бўлиб, карантинга олинган фуқаролар орасида, 16 нафари аҳоли орасида) аниқланган.

Кеча пойтахтимиздаги Вирусология илмий-текшириш институти клиникасида 21 нафар, Тошкент тиббиёт академияси клиникасида 66 нафар, 1-сон шаҳар клиник шифохонасида 26 нафар ва Эпидемиология, микробиология ва юқумли касалликлар илмий-текшириш институти клиникасида 46 нафар бемор тузалиб, юртимизда жами 6584 (+159) нафар коронавирус инфекциясига чалинган фуқаролар (65 фоиз) соғайган.

 Ҳозирда мамлакатимизда 3402 нафар беморга шифокорларимиз томонидан белгиланган стандартлар бўйича даво чоралари кўрилмоқда. 

Умумий бир кунлик статистикага кўра, кеча, 5 июль куни мамлакатимизда 312 ҳолатда касаллик қайд этилган. Шундан 190 нафари Карантин муассасаларида, 121 нафари аҳоли орасида (шундан 84 нафари Тошкент шаҳрида, 21 нафари Тошкент вилоятида, 16 нафари Самарқанд вилоятида),  1 нафари халқаро юк ташувчи автомашина ҳайдовчиларида орасида аниқланган.

 Ҳозирда касаллик қайд этилган жами 10020 нафар бемордан 6584 нафари соғайиб, даволаниш кўрсаткичи 65 фоизни ташкил этмоқда.

 Айни пайтда тиббиёт муассасаларида даволанаётган 3402 нафар бемордан 25 нафари оғир, 8 нафари эса ўта оғир аҳволда.  

Ҳозирда мамлакатимизда уй карантинида 42 895 нафар, стационар карантинда эса 25 021 нафар фуқаро тиббий кузатувда бўлиб турибди.

Шунингдек, ҳозиргача вафот этганлар сони 34 нафарга етди. Жумладан охирги 5 кунда 9 киши ҳаётдан кўз юмди.

26-ўлим: Қорақалпоғистон Республикаси Тахиатош туманида яшовчи 62 ёшли Б.Я. (эркак);

27-ўлим: Қашқадарё вилояти Ғузор туманида яшовчи 64 ёшли С.Ҳ. (эркак);

28-ўлим: Тошкент шаҳрида яшовчи 59 ёшли Ғ.Б. (эркак);

29-ўлим: Тошкент шаҳрида яшовчи 77 ёшли Н. Г. (аёл);

30-ўлим: Тошкент шаҳрида яшовчи 65 ёшли В.М. (эркак);

31-ўлим: Бухоро вилояти Ғиждувон туманида яшовчи 35 ёшли аёл  Д.Ш. (аёл);

32-ўлим: Тошкент шаҳрида яшовчи 71 ёшли М.Г. (аёл);

33-ўлим: Тошкент шаҳрида яшовчи 45 ёшли З. (эркак);

34-ўлим: Тошкент шаҳрида яшовчи 49 ёшли Н.У. (аёл).

Шарҳлар

Об-ҳаво: Тошкент
Валюта курси
1