Сирдарёда қиймати 1 млрд. сўмлик ноқонуний товарлар тўхтатиб қолинди

ЖАМИЯТ 09.07.2020, 21:34
Сирдарёда қиймати 1 млрд. сўмлик ноқонуний товарлар тўхтатиб қолинди

Ҳозирда аниқланган ҳолат юзасидан божхона органлари томонидан суриштирув ҳаракатлари олиб борилмоқда.

Сирдарё вилояти божхона бошқармаси Контрабандага қарши курашиш ва божхона аудити бўлими ходимлари ҳамда ДХХ Сирдарё вилояти бошқармаси ходимлари билан ҳамкорликда Россия давлатидан Қозоғистон Республикаси орқали Ўзбекистонга ўтиш учун “Сирдарё” чегара божхона постига “DAF” русумлиюк автотранспорт воситасини бошқариб кириб келган фуқаро Ш.Ж.билан оғзаки савол-жавоб ўтказилиб, автотранспорт воситаси ва унга юкланган товарларга тегишли ҳужжатларни текшириш давомида ҳайдовчи Ш.Ж. ўзининг хатти-ҳаракатлари билан божхона ходимларида шубҳа уйғотган.

Шундан сўнг, юк автотранспорт воситаси постдаги мавжуд “Rapisсan” номли “Инспекцион кўрик мажмуаси” (ИКМ) ёрдамида текширилиб, олинган фотосуратлар таҳлил қилинганда, юкхонасида йўл-юк кузатув ҳужжатларида кўрсатилмаган товарлар мавжудлиги маълум бўлган.

Фото: Сирдарё вилояти божхона бошқармаси

“DAF” русумли автотранспорт воситаси пост ҳудудида белгиланган тартибда чуқур божхона кўригидан ўтказилганида юк ҳужжатларида кўрсатилмаган ҳамда ҳужжатларда кўрсатилгандан ортиқча бўлган хорижда ишлаб чиқарилган тахминий қиймати 1,067 млрд. сўмлик 123 турдаги жами 12 977 дона парфюмерия (атир-упа)маҳсулотлари ва 61 турдаги 18 581 дона йўл-юк ҳужжатларида кўрсатилгандан ортиқча автомашина эҳтиёт қисмлари борлиги аниқланиб, ашёвий далил сифатида олинган.

Ҳозирда аниқланган ҳолат юзасидан божхона органлари томонидан суриштирув ҳаракатлари олиб борилмоқда.

Шарҳлар

Об-ҳаво: Тошкент
Валюта курси
1