Аҳолидан келиб тушган ушбу саволга АОКА ҳузуридаги штабда бўлиб ўтган брифингда иштирок этган Санитария-эпидемиология назорати давлат инспекцияси раҳбари Нурмат Отабеков қуйидагича жавоб берди:
Пневмония касаллиги бу ўпканинг яллиғланиши бўлиб, унинг юзага келишида сабаблар жуда кўп. Баъзи ҳолатларда пневмониялар бактериал, вирусли, замбуруғли этиологияли бўлиши мумкин.
Коронавирус касаллигининг энг жиддий асоратларидан бири - бу пневмония ҳисобланади. Ўзбекистонда қайд этилаётган коронавирусдан ўлим ҳолатларининг аксарияти айнан ушбу асорат билан боғлиқ.
