Туркманистонда масжидлар, черковлар ва бозорлар ёпилгани айтилмоқда.
Бундан ташқари тураржойлар яқинлари, кириш йўлаклари(подъездлар)га тиббиёт ниқобларини тақиб юриш ва жамоат жойларидан узоқлашишга чақирилган эълонлар ёпиштириб чиқилган.
Тасс хабарига кўра 16-23 июлгача поездлар ҳам тўхтатилди. Бир неча кундан буён кўчалар дезинфекция қилинмоқда. Бунинг сабаби ҳавода чанг ва ғуборлар кўпайгани билан изоҳланяпти.
Эслатиб ўтамиз, Туркманистон расмийлари мамлакатда коронавирус йўқлигини расман тасдиқлаб келишмоқда.